Urdu Manzil


Forum
Directory
Overseas Pakistani
 

سلام

توقیر عباس

سبھی غموں سے بڑا غم ، شہ ِ امم ترا غم
جہاں میں زندہ و جاوید و محتشم ترا غم

یہی تو ایک اثاثہ ہے زندگی کے لیے
تیرے جلے ہوئے خیمے تیرا علم ترا غم

سبھی دلوں کو اجالوں سے جوڑنے والا
جہاں میں مصدر ِ انوار ایک غم ترا غم

ہمیشہ جھیل بچاتا ہے خشک ہونے سے
ہمارے دیدہ ء نم پر تیرا کرم ترا غم

امڈ پڑی میرے چہرے پہ ایک صبح ِ بہشت
کہ دھو چکا میرے رخ سے غبار ِ غم ترا غم

ہر ایک لہر پہ تحریر غم کے عنواں ہیں
ہر ایک موج نے دیکھا ہے یم بہ یم ترا غم

قدم قدم   پہ سپاہِ  ِ یزید  بیٹھی  ہے
قدم قدم پہ ضرورت ہے بیش و کم ترا غم


ابد کی وادی ِ کیف و نشاط کو ہے رواں
ازل سے بہتی ہوئی آب جوئے غم ترا غم


یہی ہے اصلِ زر ِ لا الہ اِلاللہ
دلوں پہ سایہ کناں ہے تری قسم ترا غم
 

 

Blue bar

CLICK HERE TO GO BACK TO HOME PAGE