 |
|
 |
|
|
|
|
|
اختر حسین جعفری ہوائے ملک سبا ٹھہرنا شکستہ پائی ، زباں کی لکنت ہزار الزام کا نتجہ شکم برہنہ ،بندھے ہوئے ہاتھ پشست سے خاردار تاریں گلے میں پیوست تیر کی آبرو پہ زندہ مجھے بہت دیر تنگنائے سکوت میں رینگنا پڑا درونِ خندق۔۔۔ہر ایک دیوارِ شاخِ احساس شاخِ احساس کی رگوں میں سرد و ساکن۔۔۔بیان ِ بسمل مگر یہ امید باریابی فلک گرفتہ نجوم کا جذبہِ رہائی جہت جہت خوابِ خوش نمائی ،حدود ِ جاں سے جو متصل ہے جو مانعِ مرگِ منفعل ہے ۔۔۔۔!۔ ذرا ٹھہرنا۔۔۔۔ہوائے ملکِ سبا! ٹھہرنا اُدھر جہاں بزمِ تاجپوشی سجی ہے بلقیسِ آرزو کی مجھے وہاں دعوتِ نظر ہے مرے بھی دامن میں ایک موتی ہے ایک آوازِ کم شنیدہ ہے ایک صبحِ شہودجو آج خودمری ذات کے خرابےسے اتفاقاَََ مجھے ملی ہے وہ روشنی جس پہ آج برسوں کے بعد میں منکشف ہوا ہوں ........................... ہوا نے کھول دیے بھید ہوا نے بھید سبھی موسموں کے کھول دیے نقاب الٹا تو سب بادشہ فقیر لگے شہود ،غیب ،زمیں ، آسماں،وجود ،عدم مسافران ِ سحر رات کے سفیر لگے کفِ گلاب پہ بکھرا تھارنگ و بو کا لہو درونِ سنگ دلِ آئینہ دھڑکتا تھا بدن یقین کا معتوب مجرموں کی طرح در گمان کی زنجیر سے لٹکتا تھا ہوا نے ارض و سما پر کمند جب پھینکی حقیقتوں کی گرہ گردنوں پہ تنگ ہوئی نجومِ تیرہ تو شاخ زغال تھی روشن زمین دیکھ کے اپنا جمال دنگ ہوئی ہوا نے بھید سبھی موسموں کے کھول دیے شہادتوں کا ہر اک نقش منحرف نکلا رخ بشر سے جو پردہ ہٹا تو جھولے میں وہی تھا چہرہ جو صبح ِ ازل کو دیکھا تھا
نوحہ اب نہیں ہوتیں دعائیں مستجاب اب کسی ابجد سے زندانِ ستم کھلتے نہیں سبز سجّاوں پہ بیٹھی بیبیوں نے جس قدر حرف عبادت یاد تھے،پو پھٹے تک انگلیون پرگن لئے اور دیکھا ۔۔۔رحل کے نیچے لہو ہے شیشہِ محفوظ کی مٹی ہے سرخ سطرِ مستحکم کے اندربست و در باقی نہیں یا الٰہی مرگِ یوسف کی خبر سچی نہ ہو ایلچی کیسے بلاد مصر سے سوئے کنعاں آئے ہیں اک جلوسِ بے تماشہ گلیوں بازاروں میں ہے تعزیہ بر دوش انبوہِ ہوا روزنوں مین پا برہنہ مائیں جس سے مانگتی ہیں منتوں کا اجر،خوابوں کی زکوۃ سبز سجادوں پہ بیٹھی بیبیو اب کسی ابجد سے زندان ستم کھلتے نہیں اب سمیٹومشک و عنبرڈھانپ دو لوح و قلم اشک پونچھو اور ردائیں نوک پا تک کینچ لو کچی آنکھوں سے جنازے دیکھنا اچھا نہیں |
