Urdu Manzil


Forum
Directory
Overseas Pakistani
 

اعجاز گل

در    کھول   کے  دیکھوں  ذرا    ادراک  سے باہر

یہ  شور  سا  کیسا   ہے   مری   خاک  سے باہر

روداد     گزشتہ    تو   سنی   کوزہ    گری   کی

فردا  کا  بھی  کر  ذکر   کہ   ہے  چاک  سے باہر

خوش  آیا  عجب   عشق   کو    یہ   جامہء   زیبا

نکلا     نہیں  پھر   ھجر  کی  پوشاک  سے باہر

چاہا   تھا   مفر   دل  نے   مگر    زلف   گرہ   گیر

پیچاک          بناتی     رہی      پیچاک  سے باہر

آتا    نہیں    کچھ   یاد  کہ  اے  ساعت   نسیاں

کیا   رکھا   ترے   طاق   پہ  کیا  طاق  سے باہر

سنتا   ہو ں  کہیں  دور   سے    نقارہ   صبا   کا

اتری ہے بہار  اب  کے  بھی خاشاک  سے باہر

کچھ      دیر   ٹہر    دیکھ    لے   آدم   کا  تماشا

نا   پید   ہیں  یہ   رونقیں   اس خاک  سے باہر

موجود    خلا     میں     ہیں    اگر   اور   زمینیں

افلاک  بھی  ہوں   گے  کہیں  افلاک   سے باہر

 

Blue bar

CLICK HERE TO GO BACK TO HOME PAGE