Urdu Manzil


Forum
Directory
Overseas Pakistani
 

حکیم مومن خاں مومن

نا وک انداز جدھر دیدۂِ جاناں ہونگے

نیم بسمل کئی ہوں گے ،کئی بے جاں ہوں گے

تاب ِنظارہ نہیں ،آئینہ کیا دیکھنے دوں

اور بن جائیں گے تصویر جو حیراں ہوں گے

ایک ہم ہیں کہ ہو ئے ایسے پشیمان کہ بس

ایک وہ ہیں کہ جنہیں چاہ کے ارماں ہوں گے

پھر بہارآئی ، وہی دشت نوردی ہو گی

پھر وہی پاؤں وہی خارِمغیلاں ہوں گے

تو کہاں جائےگی کچھ اپنا ٹھکانا کر لے

ہم تو کل خواب ِعدم میں شبِ ہجراں ہوں گے

 
 

Blue bar

CLICK HERE TO GO BACK TO HOME PAGE