اشرف شاہین

نہ کوئی بات ہے ایسی نہ کچھ ہنر ٹھہرا

میں دوستوں کی محبت سے معتبر ٹھہرا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آلام ِ زندگی میں دیا کب کسی نے ساتھ

دامن بچا کے یاد بھی تیری گذ ر گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاکھ طو فان ہوں آخر تو کنارہ ہوگا

تیرگی میں بھی کہیں کوئی کنارہ ہو گا

تم تو سائے سے بھی لگتے ہوپگھلتے یارو

تپتے صحراؤں میں پھر کیسے گزارا ہوگا

یونہی بے وجہ نہیں زور بلاؤں کا نزول

یہ کڑے وقت کے آنے کا اشارہ ہو گا

موسم ِ گل ہوکہ ہو زرد خزاں کا موسم

قریہء دل پہ سدا راج تمہارا ہو گا

اتنی حساس طبعیت نہیں  اچھی اشرف

اس زمانے میں ترا کیسے گزارا ہو گا