 |
|
 |
|
|
|
|
|
سید صغیر جعفری نعتِ رسول مقبول صلی اللہُ علیہ وسلم اپنے نبی سے آس لگائی جن پہ فدا ہے ساری خدائی ساقیِ کوثر کا میں خادم کل عالم جن کا شیدائی نامِ محمّد سارے جہاں میں ذکر محمّد کون و مکان میں سرور عالم، رحمت کامل امت کا غم قریہء جاں میں باغِ امت کے ہیں والی رحمت کے ہیں لوگ سوالی آقا آپ خدا کے پیارے آپ کی تو ہر بات نرالی اپنے بنی سے آس لگائی جن پہ فدا ہے ساری خدائی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ غزلیں تجھ سے محبتوں کا جو پیمان ہو گیا منزل کا میری راستہ آسان ہو گیا محور وہ میری سوچ کا ہر لمحہ ہر گھڑی سوچے ہے وہ مجھی کو میں حیران ہو گیا میرے وطن میں جشن مناتے رہو سدا میری خوشی کا اور بھی سامان ہو گیا یوں بھی مجھے شکایت دوراں نہیں رہی دھڑکن کا جب سے وہ میری مہمان ہو گیا پتھر وہ راستون کے ہٹاتا چلا گیا جو راہ عشق میں کہیں قربان ہو گیا ۔۔۔۔۔۔۔۔۔۔۔۔۔۔۔۔۔۔۔۔۔۔ لکھا ہے درختوں پہ مرا نام کسی نے چپکے سے کیا عشق میں یہ کام کسی نے دیکھے جو کھلا در تو چلا آئے وہ شاید در کھول دیا اپنا سر شام کسی نے وہ قیس صحرا ہو کہ مٹی کا گھڑا ہو سوچا ہے کہاں عشق کا انجام کسی نے ہر ایک بچھڑنے کے لئے آکے ملا ہے ملتے ہی مجھے دے دیا پیغام کسی نے آئینہ صغیر ہم نے کئی بار تھا دیکھا دیکھا تھا محبت سے جو اک بار کسی نے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شگفتہ پھول گلشن میں ہمیں پر نم دکھائی دے کبھی آنسو کی صورت میں ہمیں شبنم دکھائی دے نظر ڈالیں قفس پر تو اسیری یاد آتی ہے مگر اڑتے پرندوں میں ہمیں موسم دکھائی دے ہماری زندگی میں غم بھی ہے غم کا مداوا بھی ذرا سی بات پر کیوں زندگی بر ہم دکھائی دے پرندوں کو خبر ہوتی ہے طوفانوں کے آنے کی تجھے اے بے خبرانساں بھلا کیوں کم دکھائی دے نگاہوں میں وطن کے سارے منظر گھوم جاتے ہیں ہمیں جب زندگی میں اپنا یہ پرچم دکھائی دے |
