 |
|
 |
|
|
|
|
|
واجد ندیم
ایک ہم ہی موردِ الزام کیوں تہمتیں ساری ہمارے نام کیوں مل رہی ہے دل لگانے کی سزا ورنہ ہوتے شہر میں بدنام کیوں ان سے مل کرآپ بھی دیکھیں ذرا ہوگئے ہم بندہء بے دام کیوں ہم بھی اپنے وقت کے سقراط ہیں زہر کا ہم نے پیا ہے جام کیوں کون سی خوشیاں میسر ہیں ہمیں جی رہے ہیں ہم برائے نام کیوں کام تو ان کا ہو ا پورا مگر کام میرا ہو گیا بد نام کیوں تھی ہمیں منظور بس ان کی خوشی اپنے سر ہم نے لیا الزام کیوں منتظر ہو کس ستمگر کے ندیم دل دھڑکتا ہے بوقتِ شام کیوں واجد ندیم ہم نے اپنے دل کو سمجھایا بہت پھر بھی ان کے جال میں آیا بہت زندگی بھر جس کو اپنایا بہت اس بتِ کافر نےتڑپایا بہت اس سے بچھڑے ایک مدت ہو گئی رات دن وہ ہم کو یاد آیا بہت ہائے اس کی پیاس کا عالم نہ پوچھ جو لب، دریا رہا پیاسا بہت اتنی اونچی ہو اگر دیوار تو دور ہو جائے گا ہمسایہ بہت راحتوں میں بھول بیٹھے تھے ندیم مشکلوں میں یاد وہ آیا بہت |
