 |
|
 |
|
|
|
|
|
اعجازگل
سنتے ہیں کوئی شہر ہے ادراک کے اس پار اس خاک سے باہر کہیں آفاق کے اس پار گردش میں ستارے رہے آدم کے عجب سمت پہنچا نہ پلٹ کر کبھی افلاک کے اس پار آزار اٹھا رکھا ہے دن رات ہوس نے تجھ شیشہ بدن کا کہ ہے پوشاک کے اس پار شاید مرے اجزا کی ملاوٹ ہی غلط تھی حیران نہ ہو خلق پہ اب چاک کے اس پار کچھ شوق نہیں قبضہء املاک کا لیکن ہے خال ترا جسم کی املاک کے اس پار پہلے تو گرہیں کھولنا سکھلاتی ہے تقدیر پھر جال سا پھیلاتی ہے پیچاک کے اس پار رونق سے ترے باغ کی انکار کسے ہے افسوس مگر ہے میرے خاشاک کے اس پار افسردہ سا مجمع ہے ادھر خاک کے اندر خوش باش ہیں کچھ لوگ ادھر خاک کے اس پار اے عمر ذرا صبر کہ ہنگام سے پہلے اترا نہ کوئی لمحہء سفاک کے اس پار ...................................... غزل در کھول کے دیکھوں ذرا ادراک سے باہر یہ شور سا کیسا ہے مری خاک سے باہر روداد گزشتہ تو سنی کوزہ گری کی فردا کا بھی کر ذکر کہ ہے چاک سے باہر خوش آیا عجب عشق کو یہ جامہء زیبا نکلا نہیں پھر ھجر کی پوشاک سے باہر چاہا تھا مفر دل نے مگر زلف گرہ گیر پیچاک بناتی رہی پیچاک سے باہر آتا نہیں کچھ یاد کہ اے ساعت نسیاں کیا رکھا ترے طاق پہ کیا طاق سے باہر سنتا ہو ں کہیں دور سے نقارہ صبا کا اتری ہے بہار اب کے بھی خاشاک سے باہر کچھ دیر ٹہر دیکھ لے آدم کا تماشا نا پید ہیں یہ رونقیں اس خاک سے باہر موجود خلا میں ہیں اگر اور زمینیں افلاک بھی ہوں گے کہیں افلاک سے باہر ...............................
غزل
نہ ڈھونڈھ عمر گزشتہ کے داغ پانی میں
جو خاک گھل گئی کیسا سراغ پانی میں
طلسم ہے کسی سوراخ کا کہ بھرتا نہیں ہزار ڈال کے رکھیئے ایاغ پانی میں ہے اس کے پاوں میں چقماق کا اثر ایسا بنائے لمس سے پتھر چراغ پانی میں ہوئی ہے خشک تو خاشاک و خار انکاری کہ جس زمین پہ کھلتے تھے باغ پانی میں ہنر تھا اس میں فقط آگ سے حفاظت کا بچا سکا نہ بدن کو دماغ پانی میں جو فرق تھا اسے آفات نے تمام کیا پڑے ہیں سامنے مینا و زاغ پانی میں بہا کے لے گئی سب ہست و بود موج فنا اگر رہا ہے تو پانی کا داغ پانی میں ................... کتنی دھوپ چھاؤں ہے راستا کہاں تک ہے اس سفر میں منزل کا فاصلا کہاں تک ہے کب نشیب میں جا کر ڈوبتی ہیں آوازیں باز گشت سے گنبد گونجتا کہاں تک ہے کتنی دیر مہلت ہے اور باد و باراں کی کاغذی سا یہ پیکر اڑ رہا کہاں تک ہے کس افق میں ملتے ہیں آسماں زمیں دونوں اور اب تماشا یہ دور سا کہاں تک ہے کس قدر لکیرں ہیں ہر لکیر کے پیچھے دائروں کے پیچھے بھی دائرہ کہاں تک ہے کتنے سانس کھینچتی ہے اور عمر کی ڈوری روز و شب درازی کا سلسلا کہاں تک ہے کس قدر ذخیرہ ہے آب و خاک کا باقی جسم کے خلا اندر اب ہوا کہاں تک ہے کون سی منازل پر حکمران ہے ظلمت ماہتاب کا منظر د لربا کہاں تک ہے کس نے روک رکھا ہے پانیوں کا پھیلاؤ ثبت ریت کے اوپر نقشِ پا کہاں تک ہے.............................................................. پیشتر جنبش لب بات سے پہلے کیا تھا ذھن میں صفر کی اوقات سے پہلے کیا تھا وصلت و ہجرت عشاق میں کیا تھا اول نفی تھی بعد تو اثبات سے پہلے کیا تھا کوئی گردش تھی کہ ساکت تھے زمین و خورشید گنبدِ وقت میں دن رات سے پہلے کیا تھا میں اگر پہلا تماشا تھا تماشا گہ میں مشغلہ اس کا مری ذات سے پہلے کیا تھا کچھ وسیلہ تو رہا ہو گا شکم سیری کا رزق خفتہ کہ نباتات سے پہلے کیا تھا میں اگر آدم ثانی ہوں تو ورثہ ہے کہاں ظرف اجداد میں اموات سے پہلے کیا تھا ہر ملاقات کا انجام جدائی تھا اگر پھر یہ ہنگامہ ملاقات سے پہلے کیا تھا میں بھی مغلوب تھا حاجات کی کثرت سے مگر لطف اس کو بھی مناجات سے پہلے کیا تھا .............................................. پیچاک عمر اپنے سنوار آئنے کے ساتھ باقی کے چار دن بھی گزار آئنے کے ساتھ حاسد بہت ہے پل میں ہویدا کرے خزاں اتنا نہ لگ کے بہٹھ بہار آئنے کے ساتھ پتھرا گئے ہیں لوگ تجلی سے حسن کی تھوڑا سا ڈال رخ پہ غبار آئنے کے ساتھ کرتا ہے شہر عکس فنا نا مراد وقت جب گھومتا ہے الٹے مدار آئنے کے ساتھ پایا نہ کچھ خلا کے سوا عکس حیرتی گزرا تھا آر پار ہزار آئنے کے ساتھ آزاد ہو گیا ہے یقیں ہر گمان سے ٹوٹے پڑے ہیں دیکھ حصار آئنے کے ساتھ سنتا ہوں اس کی پشت پہ آواز رفتگاں بستا ہے کوئی خفتہ دیار آئنے کے ساتھ معدوم کر رہا ہے خد و خال کس سبب کر کچھ شنید و گفت تو یار آئنے کے ساتھ تاریک ہے یہ کشف و کرامات کے بغیر پھر حرف تاب دار اتار ائنے کے ساتھ ویران سا کھنڈر ہے مگر سیر کے لئے لگتی ہے اک طویل قطار آئنے کے ساتھ معکوس و عکس کیسے ہیں پیوست دیکھ تو آئینہ کر رہا ہے سنگھار آئنے کے ساتھ ................................................................. سوار کم تو پیادہ سفر زیادہ کیا کہ پھر بھی شوق سے طے زندگی کا جادہ کیا مگر گراں تھی طبیعت پہ تنگ دامانی ہزار طرح سے کھینچا اسے کشادہ کیا کبھی کیا بھی ارادہ تو نا امیدی نے لیا حصار میں مفتوح و بے ارادہ کیا تھے اس لکیر کے نیچے بھی ہم سے کاسہ بدست جہاں بسر تجھے دنیا نے عمر سادہ کیا عجب تھا شہر فلاطونِ عقل تھے سب لوگ یہاں کسی نے کسی سے نہ استفادہ کیا رہا گزر تو کسی مختلف خرابے میں نہ رسمِ خانقہی تھی نہ رقصِ بادہ کیا تھا خوفِ مرگ بھی وجہ یہاں ٹہرنے کی ان حسرتوں نے بھی کہرام کچھ زیادہ کیا کرم کیا تو دیئے خود کو خلعت و دستار ستم ہوا تو رعایا کو بے لبادہ کیا ہوا ہے محو تو اب قابلِ اعادہ نہیں کہ جب نہ محو تھا دل سے نہیں اعادہ کیا ...................................................................
ہر ایک چیز رواں ہے کسی
مدار کے گرد
غبار ساتھ خزاں کے صبا بہار کے گرد جلوس تخت نشینی نہ میت شاہی تو کیسی بھیڑ لگی ہے یہ رہگزار کے گرد کیا گیا تھا مہیا فرار کا رستا مگر حصار بھی موجود تھے حصار کے گرد پہنچ سکے نہ کبھی جو درون آئینہ ہزار عکس مقید تھے اس غبار کے گرد
یہ دل وصال سے کچھ منحرف سا
لگتا ہے نہ کھینچ دائرے اب اور انتظار کے گرد مکین دیتا نہیں ہے اگر مکاں کا سراغ تو چل طواف کریں لا مکان یار کے گرد جو اجنبی تھے کیا شامل قطار انہیں جو آشنا تھے بھلایا رکھا قطار کے گرد قطار لگتی ہے پیچھے قطار کے ہر جا قطار بنتی نہیں ہے کبھی قطار کے گرد ملول ہوتا ہوں اس وقت کسقدر مت پوچھ کہ فتح کرتی ہے جب رقص میری ہار کے گرد ھوا اڑا کے مجھے شہر بے نشاں لے چل جہاں مقیم ہیں سب میرے رفتگاں لے چل یہاں پہ ختم ہوئی سرحد یقیں آگے اب اس مقام سے تو طائرِ گماں لے چل ٹہر تو اور برس دو برس گزارتے ہیں نہیں پسند اگر عمر مہرباں لے چل خلا میں پھینک نہ میر ے بجھے ستارے کو سمیٹ راکھ ابد پار کہکشاں لے چل یہیں پہ فرد عمل کھول پڑھ سنا تفصیل زیاں زیاں ہی رہے گا کسی جہاں لے چل نہیں درخت میں جب قوت نمو تو پھر صبا بہار میں رکھ یا سر خزاں لے چل میں معترض تو نہیں تیری ہمرکابی سے بنا سبیل اجل ساتھ خاکداں لے چل تماشا شام و سحر کا ہے لطف سے خالی تماشا گر یہ اٹھا ا پنی پتلیاں لے چل جہاں سے مجھ کو اتارا گیا زمینوں پر پلٹ کے گردش افلاک اس مکاں لے چل جو سنگ میل تھے پہچان کے ہوئے معدوم تری رضا کہ جدھر راہ بے نشاں لے چل ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہیلیاں تھیں یا سبق غلط بہم کیا گیا کہ اس کتابِ عمر کو الٹ رقم کیا گیا عجب تھی داستاں اگر کہیں قرین فہم کچھ لکھا ہوا ملا بھی تو زدِ قلم کیا گیا کسی سبب تھیں صفر ایک کی اکائیاں الگ کسی وجہ سے ایک صفر کو دہم کیا گیا جہان انتظار میں تھا وقت خود بھی منتظر یہاں پہ آج کو کبھی نہ کل بہم کیا گیا فلک پسند دیکھتا نہ تھا زمیں کی طرف سو دیکھ جسم پر غرور کیسے خم کیا گیا تھی راس جب مریض کو فقط دوا وصال کی تو کیو ں دم و درود کا طلسم کم کیا گیا جو لب تھا خشک پیاس سے رکھا گیا تھا خشک تر جو چشم نم تھی اشک غم سے اور نم کیا گیا سمجھ رہا تھا ھست کو یہ دل خرابی و ستم مگر شمار لوح نیست میں کرم کیا گیا ظہور تھا عدم کا یہ وجود نا سپاس سا بقا کا ملتجی ہوا تو پھر عدم کیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔ |
