 |
|
 |
|
|
|
|
|
فوزیہ مغل نہ وہ کچّے گھڑے ہیں نہ وہ سوہنیاں ہیں رواجوں میں جکڑی ہوئی لڑکیاں ہیں درِ گور پر ہیں وہ زندہ کہ جن کے نصیبوں پہ چھائی ہوئی بدلیاں ہیں نہیں دستِ قاتل کی پہچان ان کو یہ خوش رنگ معصوم سی تتلیاں ہیں کریں ٹوٹ کر اپنے دل کو جو زخمی یہ نازک سے احساس کی چوڑیاں ہیں ترستی ہیں جو روشنی کی کرن کو کچھ ایسی یہ گمنام سی بستیاں ہیں منّور تو کرتی ہیں بزمِ جہاں کو مگر اِن کی قسمت میں تاریکیاں ہیں کہاں اپنی ڈوریں ہیں ہاتھوں میں ان کے یہ اوروں کے ہاتھوں میں کٹھ پتلیاں ہیں ازل سے جو چھائی ہیں ان کے سروں پر یہ فاتح ہوئیں تو بھی مفتوُح ٹھہریں نظامِ کُہن کی یہ وہ رانیاں ہیں غزل گفتار میں وہ اپنی بے باک ہو گیا ہے جیسے کہ ہر کمی سے وہ پاک ہو گیا ہے آنکھوں کی پتلیوں میں ٹھہرا وہی ہے منظر جس سے کہ دل ہمارا صد چاک ہو گیا ہے رکھنا پڑے گا پھر بھی ہم کو بھرم وفا کا مانا کہ جلتے جلتے دل خاک ہو گیا ہے رکھوں میں کیسے آخر زخموں پہ اپنے مرہم ہر غم میرے بدن کی پوشاک ہو گیا ہے کہنے کو ہم سے بچھڑا اک شخص فوزیہ، پر ماحول کیوں یہ سارا نمناک ہو گیا ہے |
