محمد حمیدشاہد

میں پشاور میں ایک تقریب میں شرکت کے لیے آیاہوا تھا ۔ میں نے منتظمین سے محسن احسان کا پوچھا تو کہنے لگے وہ بیٹے کے پاس ملک سے باہر ہوتے ہیں آج کل آئے ہوئے ہیں مگر بہت علیل ہیں ۔

 میں نے کہا میں ان سے ملنا چاہتا ہوں، کوئی ہمیں لے چلے گئے گا ۔ میں نے ابھی یہ جملہ مکمل نہ کیا ہو گا کہ کسی نے کہا ، محسن احسان ۔ سب کی نظریں دروازے کی سمت تھیں ۔ میں نے دیکھا محسن احسان

 لاٹھی کے سہارے بہ مشکل چلتے ہوئے آرہے تھے ، میں لپک کر آگے بڑھا ، کہنے لگے مجھے پتہ چلا میرا دوست حمید شاہد آرہا ہے ، رہا نہیں گیا ملنے چلا آیا ہوں پتہ نہیں پھر ملاقات ہو نہ ہو ۔ 
یہ ہماری آخری ملاقات تھی ۔ 
 آج پشاور آیا تویہ کیسے ممکن تھا کہ اپنے محسن سے ملے بغیر واپس اسلام آباد چلا جاتا ، 

کندہ تھے جتنے حرف وہ کتبوں سے مٹ گئے
قبروں سے پوچھتا ہوں مرے یار کیا ہوئے 
محسن احسان