rakhshinda naveed

رخشندہ نوید

تو نے سوچا ہی نہیں کچھ بھی ہٹا کر اس سے

اب بچھڑنا ہے تو پھر خود کو جدا کر اس سے

وہ بگڑتا ہے تو دنیا ہی بگڑ جاتی ہے

اس لئے رکھنی پڑی مجھ کو بنا کر اس سے

ایک جگنو تھا مگر اسِ سے جلے کتنے چراغ

رابطے بڑھتے گئے ربط بڑھا کر اِس سے

بات کیا ہے کہ اٹھائی ہی نہ جائیں پلکیں؟

بات ہو جب بھی تو پلکوں کو جھکا کر اس سے

میں کہانی میں کہیں ہوں کہ نہیں ہوں اے دل

پوچھنا ہوگا کسی روز بٹھا کر اس سے

کس طرح اس پہ تیرے درد کا منظر کھلتا

تو محبت بھی تو کرتی تھی چھپا کر اس سے

لہر جس طرح کنارے کو چھوئے آخری بار

ایسا محسوس ہوا ہاتھ ملا کر اس سے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ کیسا عشق میں ڈوبا ہوا کردار ہے صاحب

ابھی تک اس کی جھولی میں وہی پندار ہے صاحب

دَبک کر اتنے سارے غم یہاں خاموش بیٹھے ہیں

یہ دل ہے یا کسی صوفی کا اک دربار ہے صاحب

میں تیری شرط پہ سب جنگلوں کو پار کر آئی

بتا! اب میرے حصے کا کدِھر گلزار ہے صاحب

یہی محسوس ہوتا ہے بہت سے پچھلے برسوں سے

کہ آنے والا جو بھی ہے برس بیکار ہے صاحب

وہ مجھ ایسی، کہ میری زندگی چڑیا کے جیسی ہے

شجر کی شاخ پہ دونوں کا ہی گھر بار ہے صاحب

بہت سے راز سینے میں رہیں مضمر تو بہتر ہے

نہیں تو کیا ہے، رسوائی ہے، ہاہاکار ہے صاحب

کسی دن ہاتھ اس سے پھر ملانا ہو گا رخشندہ

کہ پھر سے دھڑکنوں کی سُست سی رفتار ہے صاحب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسےِ چھوڑ دو

مرے ہاتھ کو

تم نے

تھاما ہوا ہے

مرے ہاتھ کو زور سے تم نے ہاتھوں میں تھاما ہوا ہے

’’اسے چھوڑ دو‘‘

اسے چھوڑ دو

میں چلی جاؤں گی

جیسے آنکھوں سے جاتے ہیں آنسو

میں چلی جاؤں گی

جیسے راتوں سے جاتے ہیں جگنو

میں چلی جاؤں گی

پھر کبھی لوٹ کر

میں نہیں آؤں گی

مرے ہاتھ کو چھوڑ دو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ دلبر ہیں تو گویا دلبری کرنی پڑے گی
انہیں کے نام دل کی ڈائری کرنی پڑے گی
وہ اُن کو جانتے ہیں اور اُن کے حال دل کو
سو ان کے دوستوں سے دوستی کرنی پڑے گی
ہمارے درمیاں یہ دُکھ ہی قدر مشترک ہیں
سو ہم کو اجتماعی خودکشی کرنی پڑے گی
بدن کو روح سے محروم کر ڈالا گیا ہے
بسر اس طور ہی اب زندگی کرنی پڑے گی
بلایا جائے کیسے اس شناسائے سخن کو
[بپا اک بزمِ شعروشاعری کرنی پڑے گی
نگاہوں کے سفر میں تُو اگر دریا ہے مجھ کو
ادا نہ جان و دل کی تشنگی کرنی پڑے گی
بہت مدت سے ہنسنا بھول کر بیٹھی ہوئی ہوں
تمہیں رخشندہ شاید گدگدی کرنی پڑے گی

رخشندہ نوید

سمندر بھی ہوا عبرت نشان پانی ہی پانی
کنارے اور ان کے درمیاں ،پانی ہی پانی

عجب دنیا ہے , اسکو فکر دنیا ہی نھیں ہے
فقط دیکھا ھے تو گریہ کناں پانی ھی پانی

پریشانی بھی مانع ھے بیان حال دل میں
نہ ھو جایے کہیں اپنی زباں پانی ہی پانی

نگاہ نم سے اس خاطر بھی رشتہ جوڑے رکھا
کہ میں ھوں ایک صحرا اور یہاں پانی ہی پانی

تمھارے ساتھ جب یہ تن بدن بارش میں بھیگا
لھو تھا منجمد مجھ میں رواں پانی ہی پانی

یہ پورے آسماں پہ نیلا نیلا رنگ کیا ھے
ستارے جیسے ہوں سنگ گراں پانی ہی پانی
رخشندہ نوید
حرف تا حرف افتاد کی شا عری
دل کی، اس شھر برباد کی شاعری
میری توبہ کہ رکھی ھے فٹپاتھ پر
میر صاحب سے استاد کی شاعری
چشم باراں کا دکھ بانٹنا فر ض ہے
کچھ کریں ابر کی باد کی شاعری
ربط کے دور میں خوب لکھتے تھے ھم
بےسبب بےمزہ بعد کی شاعری
رات آنکھوں میں کا ٹیں گے رخشندہ ھم
تا سحر ھو گی اب یاد کی شاعری
رخشندہ نوید

دل کو از راہ دل لگی نہ لگا
یونہی ھونٹوں سے بانسری نہ لگا
جلد ہی میں بدلنے والی ہوں
آٰٰٰئنے مجھ سے دوستی نہ لگا
بجھ بھی سکتے ہیں آنکھ کے آنسو
اپنی چلمن سے روشنی نہ لگا
تیری آنکھوں میں بات تھی کوئی
تو مجھے عام آدمی نہ لگا
رب کہےتجھ سے دور ھو جاؤں
میں کہوں ،شب سےچاندنی نہ لگا
اب سمیٹے سمٹ نہ پائے گی
اب قطارون میں زندگی نہ لگا
اپنے حرفوں کو مت سمجھ قاصد
بے سبب زور شاعری نہ لگا

CLICK HERE TO GO BACK TO HOME PAGE